ఈ పుట అచ్చుదిద్దబడ్డది
రేకు: 0334-4 బౌళిరామక్రియ సంపుటం: 11-202
పల్లవి: పాప మంటా నోరిచితేఁ బదరీఁ దాను
కోపగించి యెవ్వతె యైనఁ గుమ్మీ లేవే
చ. 1: వంతులకు వచ్చి వచ్చి వలపులే చల్లీని
పంతగాఁడు తన కేమి పని లేదా
యింత గలితె తన్ను యెవ్వ తైనాఁ బట్టుకొని
చెంతనె సదమదము సేసీ లేవే
చ. 2: దీమసాన రతులకు దిట్టి తిట్టి పిలిచీని
బూమిలోన వీని కేమి పొద్దు వోదా
ఆముకొని యింత లేసి ఆసలకు బెనఁగితే
గామిడి యెవ్వతె యైనాఁ గలిగీ లేవే
చ. 3: తొడిఁబడ నవ్వి నవ్వి దొమ్మి సేసి కాఁగిలించి
వొడి వట్టీ వీని కేమి వుండఁ బట్టదా
బడినె శ్రీవెంకటపతి నన్ను నిదె కూడె
కడ నింకా నివ్వ తైన కాచుకుండీ లేవే