ఈ పుట అచ్చుదిద్దబడ్డది
రేకు: 0334-3 కేదారగౌళ సంపుటం: 11-201
పల్లవి: ఇంకమీఁద వచ్చేపని కిప్పు డేఁటికే
మంకు దీరఁ దన్నింతలో మంచివానిఁ జేసేనా
చ. 1: కానీ లేవె తనమాట కల్లనేనా యిందరిలో
నాన నిచ్చి వెనకనె నవ్వేఁ గాక
ఆన లేల పెట్టుకొనీ నంతలోనె లే దంటా
నే నిట్టే యిందుకు తన్ను నిజమరి అనేనా
చ. 2: తడవ నేలె నేను తనగుణా లిందరిలో
వడి వెట్టి మరఁగున వంచేఁ గాని
తొడిఁబడఁ జేయ వట్టీ దోస మన్నా మానఁడు
వొడఁబడి యిందుకే నే నొక్కటి యైతినా
చ. 3: దంట నై యలుగ లేనె తనుఁ గోపించేవేళ
వొంటిఁ జిక్కించుక వేరె వొరసేఁ గాక
యింటిలోన శ్రీవెంకటేశుఁడిట్టె నన్ను గూడె
అంటి ముట్టి తొంటివెంగే లాడక మానేనా