ఈ పుట అచ్చుదిద్దబడ్డది
రేకు: 0334-2 నాదరామక్రియ సంపుటం: 11-200
పల్లవి: నీవల్ల దోసము లేదు నేరము నావొళ్లి దింతే
చేవ దేర నిఁక నీవు సేసినంతాఁ జెల్లురా
చ. 1: కొరి నిన్నుఁ జూచి చూచి కోపగించఁ జాలఁగాని
చేర నీవు రానందుకు చిమిడీరా నా మనసు
వోరి నీవు సేసినందు కొల్లక వుండే నంటే
భారపు నాజవ్వనము పై తరవు వెట్టురా
చ. 2: దీకొని నీ పట్టుకు నేఁ దెగఁ జాలకుందుఁ గాని
కాకరి నీ నవ్వు లెల్లాఁ గాఁడిపారె నన్నునూ
వాకున వెళ్లనా డైనా వడిఁ దీర్చుకొనే నంటే
యీకడ నా మొగమాట మింత సేసె నన్నును
చ. 3: కాఁగిలించి నిన్ను నంత కస్తి నేయ నోపఁ గాని
రాగిన నా వలపులు రాసు లై వున్నవిరా
వీఁగక శ్రీవెంకటవిభుఁడ కూడితి నన్ను
మాఁగి నీ కెమ్మోవి మరిగించెఁ దీపులు
