ఈ పుట అచ్చుదిద్దబడ్డది
రేకు: 0334-1 సౌరాష్ట్రం సంపుటం: 11-199
పల్లవి: నీ విదె నే నదె నెమ్మదిఁ దానూ నదె
ఆవలి మొగము లేల అద్దరిపా టాయను
చ. 1: వచ్చినట్టిపరాకున వనిత నన్నుఁ గానక
యిచ్చ నీవద్ధ గూచుండి యిటు చూచి
యెచ్చరి నీ పే రడిగీ నెరఁగనిదానె వలె
తచ్చన లిం కేల సమతారుకాణ లాయను
చ. 2: యీడ నాగురు తెరఁగ కీపె వచ్చి వోయి నీతో
యేడలేనిముచ్చ టాడె యేకతానను
తోడ నీ వెచ్చరించఁగా తొయ్యలి యామాటలె
యేడో కతలు సేసీ నిఁక నేల బొంకులు
చ. 3: పరపుపై నిద్దరము పవళించు టెరఁగక
యిరవుగఁ గాఁగిలించె నిద్దరి నీపె
గరిమ శ్రీవెంకటేశ కలసితి విట్టె మమ్ము
దరి చేరెఁ బను లెల్ల తన కేల సిగ్గులూ
