ఈ పుట అచ్చుదిద్దబడ్డది
రేకు: 0333-6 నాదరామక్రియ సంపుటం: 11-198
పల్లవి: కలఁడుగా యిటువంటి గడుసరి భూమిమీఁద
తెలిసితి మిన్నాళ్లకు దిష్టముగ వీనిని
చ. 1: తగని వెల్లాఁ జేసి తనమాఁటె ఘనము
జిగి నా మొగము చూచీ సిగ్గు వడఁడు
నగువారి నెరఁగఁడు నాపై నానలు వెట్టీ
యెగసక్కీఁడు వీని దెంత నేరుపే
చ. 2: తప్పుజగడాలు రేఁచీ తానె మంచివాఁడు
యిప్పుడె వావులు చెప్పీ యెవగించఁడు
ముప్పిరిఁ దల వంచిన మోవితేనె లియ్య వచ్చీ
చప్పుడు గాకుండాఁ జేరీ జాణ గదే వీఁడు
చ. 3: తమకించు నిన్నటాను తగవరీఁ దానె
అమరఁ గతలు చెప్పీ నందు కాతఁడు
తిమిరి శ్రీవెంకటాద్రి దేవుఁ డిట్టె నన్నుఁ గూడె
సమరతి నిన్నిటాను సరుసుఁడు గదవే
