ఈ పుట అచ్చుదిద్దబడ్డది
రేకు: 0333-5 రామక్రియ సంపుటం: 11-197
పల్లవి: అందు కేమి నీవు మాతో నన వలెనా
చందముగ నొడఁబరచఁగ నింత వలెనా
చ. 1: ఈ యడకు రా కుండితే యేడనుండైనా నీకు
చే యెత్తి మొక్కిన దొక సెలవే కాదా
పాయ మెంత వెంచినాను ప్రాణము నీ కొప్పగించి
కాయముతో బదికేది ఘనత నీదే కాదా
చ. 2: కన్నులఁ జూడ కుండినా కడ నీ వార మని
వున్నట్టే వుండుట నీకే వొప్పు గాదా
మన్ననలు దవ్వైనా మనసు నీపైఁ బెట్టి
యిన్నిటా నుండుట నీకు నిది గీర్తి గాదా
చ. 3: మునుపఁ జెప్పంపకున్నా మొక్కలాన నిట్టే వచ్చి
చనవు చేకొనుటే చాలదా మాకు
యెన లేక శ్రీవెంకటేశ నన్నుఁ గూడితివి
ననిచితి నిది మీకు నయమే కాదా
