ఈ పుట అచ్చుదిద్దబడ్డది
రేకు: 0333-3 దేవగాంధారి సంపుటం: 11-195
పల్లవి: ఈతఁడె నీ కెంత తన విచ్చెనో కాక
యేతుల నీ గుణముల కిందరూను మెత్తురా
చ. 1: పదరి యాతడు నిన్నుఁ బైఫైఁ బిలువఁగాను
యెదిటికి రావు లోన నేమి సేసేవే
మదిఁ గోపము గలితె మాటల నాడుదు గాక
కదిసి మోనాన నుంటే గర్వ మనరా
చ. 2: అలరి మాటాడి యాడి యాతఁడు లేప వచ్చితే
యెలమి నిద్దుర బొయ్యే విది యేఁటిదే
చలము నీకుఁ గలితే సాదించవలెఁ గాక
నిలిగి ముసుఁ గిడుటే నిష్టూరము గాదా
చ. 3: శ్రీవెంకటేశ్వరుఁడు చేరి కాఁగిలించుకోఁగా
యీవేళ సిగ్గు వడేవు యిఁకఁ దగునా
వేవేలు గలిగిన వెనకకె చెల్లుఁ గాక
భావించి కూడిన మీఁదఁ బచ్చి దొఁచదా
