ఈ పుట అచ్చుదిద్దబడ్డది
రేకు: 0333-1 ధన్నాశి సంపుటం: 11-193
పల్లవి: నేనైతే నేమీ నెరఁగ నీకు నీవే బెదరేవు
తానే బయటఁ బడీని తగని నీచేఁతలు
చ. 1: కొండవంటి దొర నిన్నుఁ గోరి వెంగె మాడుదునా
దుండుగము నీకు నీకే తోఁచీఁ గాకా
అండకు వచ్చి నీ గట్టు అరయఁగ వచ్చితినా
వుండుండి నీకు నీవే వులికేవు గాక
చ. 2: నడుమను నిన్నుఁ జూచి నవ్వులు నవ్వితివా
వడి నీకు నీవే తల వంచేవు గాక
వెడ నీ మేనిచేఁతలు వెదకి చూచితినా
తడవి కప్పుక నీవే దాఁచేవు గాక
చ. 3: నీవు గాఁగిలించుకోఁగా నేరము లెంచితినా
భావించ నీవే సిగ్గు వడేవు గాక
యీవేళ శ్రీవెంకటేశ యిట్టె నన్నుఁ గూడితివి
కోవిదుఁడ వై రతిఁ గొంకేవు గాకా
