ఈ పుట అచ్చుదిద్దబడ్డది
రేకు: 0332-6 సామంతం సంపుటం: 11-192
పల్లవి: కూచుండఁ బెట్టుకొనవే కోప మేఁటికి
కాచుకున్న రమణునిఁ గరుణించ వలదా
చ. 1: నాటుకొన నిన్నుఁ జూచి నవ్వేటిపతితోడ
మాట లాడఁ గదవే మౌన మేఁటికి
ఆఁటదాని కింత యేలె అంతవాఁడు వేఁడుకోగ
కోటి నేరా లేమి గల్లాఁ గూడుకొన వలదా
చ. 2: కొంగు వట్టి నిన్నుఁ దీసి కొసరేటిపతి నిట్టే
సంగడిఁ గాఁగిలించ వేసట లేఁటికి
యింగితాన నొక్కవేళ యిద్దరిలోఁ గలఁగితే
సంగతిఁ జవి సేసుక చన వియ్య వలదా
చ. 3: యిర వై తమ్ములము నీ కింద మనీ నాతఁ డదే
సిర సెత్త గదవే సిగ్గు లేఁటికి
నిరతి శ్రీవెంకటాద్రినిలయుఁడు నిన్నుఁ గూడె
తొరలిన నీరతులఁ దోడు చూప వలదా
