ఈ పుట అచ్చుదిద్దబడ్డది
రేకు: 0332-4 శ్రీరాగం సంపుటం: 11-190
పల్లవి: వలసితే రేపు మాపు వచ్చేవు గాని
అలమి చే యెత్తి మొక్కి అంపించుక రావె
చ. 1: యేడ లేనిమాఁటలు యెందాఁక నైనఁ బెనచి
ఆడెవు మాఁటలు నీవు అతనితోను
తోడ నంపించుక రావె తుద లేదీ యాసలకు
నీ డనపు యెం డనవు నిలుచుండే వీడను
చ. 2: కూరి మెల్లఁ బెట్టి పెట్టి కొనచూపు నాఁటఁ జూచి
ఆరగించఁ బోఁ జాల వాతనిఁ బాసి
యీ రీతి నింత గలితె యింటి కైనాఁ దోడి తేవె
తీరవు మీ ముచ్చటలు దీవెత్తుఁబొద్దాయను
చ. 3: గయ్యాళి వై నవ్వి నవ్వి కాఁగిట బింగించుకొని
యెయ్యెడఁ బోనీవు యేమే యితని
నెయ్యపు శ్రీవెంకటేశు నీవుఁ గూడితివి ఆతఁ
డియ్యడనె వుండీఁ గాని యిల్లు వెళ్ల నీకువే