ఈ పుట అచ్చుదిద్దబడ్డది
రేకు: 0332-2 రామక్రియ సంపుటం: 11-188
పల్లవి: వరుస నే నెరుఁగుదు వాని గుణము
కరఁగి నా పేరు వింటే కానుక లందియ్యరే
చ. 1: తగనేఁ గోపగించిన దయ గల దాతనికి
బిగియఁడు వచ్చీఁ గాని పిల్వరే వాని
వొగి నే నంత దిట్టినా వోరువు గ ద్దాతనికి
నగుతా వచ్చీఁ గాని నా పేరు చెప్పరే
చ. 2: మోనాన నేఁ గొసరినా మోహము గ ద్దాతనికి
పేని పట్టి వచ్చీఁ గాని పిల్వరే వాని
పూని నేనెం తలిగినా బుజ్జగించ నేర్చుఁ వాడు
వానికిఁ బొడచూపరే వచ్చీ నిందాఁకలను
చ. 3: ముంపు నే గరివి నైనా మొదల వినయివాఁడు
పెంపున దానె వచ్చీఁ బిల్వరే వాని
యింపుల శ్రీవెంకటేశుఁ డిప్పు డిట్టె నన్నుఁ గూడె
పంపున నీడనె వుండీ పై పైనె మొక్కరే