ఈ పుట అచ్చుదిద్దబడ్డది
రేకు: 0332-1 హిజ్జిజి సంపుటం: 11-187
పల్లవి: కాంతలాల యింతులాల కంటిరా యిది
యెంత కెంత కెత్తుకొంటి వెరఁగదా నేను
చ. 1: వొక్కమాట నిన్నంటె వూరివారిపైఁ జుట్టేవు
మిక్కిలి ముడికాఁడవు మేలురా నీవు
మక్కళించి నీ చేఁతలు మాయ వలసి యీరీతి
యెక్క డెక్కడో పెనచే దెరఁగరా నేను
చ. 2: వాదు నీతోఁ బెట్టుకొంటె వాడవారిపై బెట్టేవు
మేదకపుకొయ్య వదువు మేలురా నీవు
ఆదెస నీ నేరాలు అందులోనే పులిమేవు
యేది తుది మొద లౌటా నెరఁగరా నేను
చ. 3: పొంచి నీవె కల్ల వంటె పొరుగు కప్పగించేవు
మించెను నీ చలములే మేలురా నీవూ
యెంచి నట్టె శ్రీవెంకటేశ నన్నుఁ గూడితివి
యించుకంత కపటము యెఱఁగరా నేను