ఈ పుట అచ్చుదిద్దబడ్డది
రేకు: 0331-5 నాగవరాళి సంపుటం: 11-185
పల్లవి: ఎట్టున్నదో నీ మనసు యేమి సేతురా
యెట్ట నెదుటఁ బాయ లే నేమి సేతురా
చ. 1: చూచుదాఁకా వేగిరింత సొంపుగా విభుఁడ నీతో
దాఁచి మాటాడినదాఁకఁ దమకింతును
చేచేతఁ దమకింతు చేరువదాఁకా నిట్లనె
యేచి తమకమే నిండె నేమి సేతురా
చ. 2: అట్టె నీ చెనకులకు నాసగింతుఁ దనివోక
ముట్టి యాసగింతు నీ మోవితేనెకు
గట్టిగా నంతటిమీఁద కాఁగిటికి నాసగింతు
యెట్టైనా నాసలే నిండె నేమి సేతురా
చ. 3: అదన నీ మే నంటి అట్టె పరమశ మవుదు
వదలక కూడి పరవశ మవుదును
పొదలి శ్రీవెంకటేశ పొందితిని నన్ను నిట్టె
యెదిరించెఁ బరవశా లేమి సేతురా
