ఈ పుట అచ్చుదిద్దబడ్డది
రేకు: 0331-3 రామక్రియ సంపుటం: 11-183
పల్లవి: సిగ్గరి పెండ్లికొడుకుఁ జేరి చూతము
వొగ్గి సదమదము లై వున్నాఁ డటా
చ. 1: వద్ది కిట్టె రమ్మనరే వచ్చీనో రాఁడో
గద్దరి తన లాగులు కందము నేఁడు
బద్దులో నిజమో కాని పచ్చివెచ్చిచేఁతల
వొద్దకతో బండుబం డై వున్నాఁ డటా
చ. 2: మాట మాట దియ్యరే మన సెట్లున్నదో
గాఁటపు తన విద్యలు కందము నేఁడు
చీటకపుచెమ టట చిట్లుగందా లట
మేటిదొరఁ బిలువరే మెరసీ నటా
చ. 3: ముసుఁగు దెరవరే మొకము చూతము నేఁడు
కసుగాటు చేఁత లెల్లఁ గందము గాని
పసతో శ్రీవెంకటపతి నన్ను నిటు గూడె
నస చేసి నాతోనె నవ్వీ నటా