ఈ పుట అచ్చుదిద్దబడ్డది
రేకు: 0331-2 పాడి సంపుటం: 11-182
పల్లవి: ఎంత గట్టువాయతనమి దేమే వీఁడు
అంతకంత కేమన్నా నస మీఁడే వీఁడు
చ. 1: నిద్దుర కన్నులఁ దేరి నీకంటే లే దంటా
గద్దించి తప్పక చూచీఁ గదే వీఁడు
ముద్దుతో నెగసక్కేల మోవికెంపులు రేఁచితే
వొద్దన లేక వోరిచి వున్నాఁడె వీఁడు
చ. 2: ముక్కున నూర్పులు నీకు ముంచె నంటె లే దంటా
అక్కిలించి లోనోనె ఆఁపీనె వీఁడు
అక్కడ నలసి వచ్చే నందుపై నేఁ బెనఁగితె
అక్కరతో రతులకై ఆసపడీ వీఁడు
చ. 3: చెమటలు తన మేను చెరఁగునఁ గప్పీతేను
అమర ముసుఁగు వెట్టీ నప్పటి వీఁడు
తమితో శ్రీవెంకటేశుఁ దగ నిందుకె మెచ్చితే
భ్రమసినట్లఁ బైపైఁ గూడీ వీఁడు