ఈ పుట అచ్చుదిద్దబడ్డది
రేకు: 0331-1 శ్రీరాగం సంపుటం: 11-181
పల్లవి: అయ్యయ్యో భూమిమీఁద నన్నియుఁ గంటిఁ జెరువు
ముయ్య మూకు డడిగేటి మూడులు గలరుగా
చ. 1: కడ నీ చెక్కుల గోళ్ల కాఁడినపో ట్లుండఁగ
నొడిగే నా మాట నీకు నొప్పు లాయఁగా
బడి బడి తల్లిదండ్రి పగ లుండఁగా లంజ
గొడవలకుఁ బెనగే కూళలు గలరుగా
చ. 2: పెక్కు సతులు నీ మోవి పిప్పి నేసి వుండఁగాను
యిక్కడ నే వగచుట హీన మాయఁగా
మిక్కిలి రాళ్ల కోపక మెత్త నైనందు గుద్దలి
యెక్కువ వాఁడి చేసేయెడ్డలు గలరుగా
చ. 3: తగనియెవ్వతో కాలితాఁకులు నీమై నుండఁగ
బిగువు నా చన్నులొత్తు బిరు సాయఁగా
అగపడి శ్రీవెంకటాధిప కూడితి విట్టె
నగవు నిజాలు సేసేనాథులు గలరుగా