ఈ పుట అచ్చుదిద్దబడ్డది
రేకు: 0330-6 పాడి సంపుటం: 11-180
పల్లవి: విచ్చేయవయ్యా వేఁగుదాఁకా జాగు లేల
కొచ్చి చెలులము నేము కొండేలు చెప్పేమా
చ. 1: ఈకడ నన్నే మడిగే వింటికి విచ్చేసితేను
ఆకెచేతనే వినేవు అప్పుడు నీవు
జోక నిన్నేఁటికో పిలుచుకొని రమ్మనఁగాను
దాకొని వచ్చితి నింతే తలఁ పెరుఁగుదునా
చ. 2: ఆన లేఁటికిఁ బెట్టేవు అండకు నీ వేఁగితేను
కానఁబగీ నన్నియును కాంతవల్లనే
తానె నీ వేడ నున్నా వెదకి తోడి తెమ్మనఁగ
మోనాన వచ్చితి నింతే ముంద రెరుఁగుదునా
చ. 3: కరికరఁ బెట్ట నేల కాంత నీవుఁ గూడితేను
అరయఁగ మంచి వయ్యీ నన్ని పనులు
యిరవై శ్రీవెంకటేశ యింతివద్దఁ గూచుంటివి
సరసా లాడఁగాఁ గంటి సర వెరుఁగుదునా