ఈ పుట అచ్చుదిద్దబడ్డది
రేకు: 0330-4 శ్రీరాగం సంపుటం: 11-178
పల్లవి: కొత్త పెండ్లికూఁతురు కొంకు దేరీఁ దేరదు
చిత్తగించి నీ వైనాఁ జేయి వట్టవయ్యా
చ. 1: చిమ్ముచు నీ మోము చూచీ సిగ్గుతో దగ్గరదు
కొమ్మసంగడి నీ వైనఁ గూచుండవయ్యా
కమ్మి నవ్వులును నవ్వీఁ గలసి మాటలాడదు
పమ్మి నీ వైన నాపెతోఁ బలుకవయ్యా
చ. 2: ఆలవట్టము విసరే నంటి ముట్టి పెనఁగదు
తేలించి యాపె వెరపు తెలపవయ్యా
కాలు దొక్కీ నిన్ను నిట్టె కాఁకదేరఁ గలయదు
పోళిమి నీవే కాఁగిటఁ బొదుగవయ్యా
చ. 3: తనలోనె మోహించీ దంటతనము నేరదు
ననుపులే యాకెతోడ నడపవయ్య
యెనసె శ్రీవెంకటేశ యింతినిన్ను మెల్లనె
మన సిచ్చి యిటులానె మన్నించవయ్యా