ఈ పుట అచ్చుదిద్దబడ్డది
రేకు: 0330-3 సామంతం సంపుటం: 11-177
పల్లవి: ఇందుకే పో నేను మీ యింటికి వచ్చితి
పొంద కింక నేఁ బోనియ్య నిన్ను
చ. 1: కలికి నీ చూపులు కన్నుల నుండఁగ
నలువంక మమ్ము నాటీ నేలే
పిలువక మమ్ముఁ బిలిచే మోవి
వొలుకుఁదేనెల నూరించీని
చ. 2: బాపు నీ కుచములు పయ్యద నుండఁగ
రేపువలపులు రేఁచీ మమ్ము
నీపైనే వుండఁగ నీ చక్కఁదనము
యేపున నా మన సెలయించీని
చ. 3: చేయి చెక్కుతోడఁ జిమ్మే నీసిగ్గులు
ఆయములు దాఁకీ నద్దో మమ్ము
యీయెడ శ్రీవెంటేశుఁడ నే నిన్నుఁ
బాయక కూడఁగఁ బంత మాడేవూ
