ఈ పుట అచ్చుదిద్దబడ్డది
రేకు: 0329-4 హిందోళవసంతం సంపుటం: 11-172
పల్లవి: అల్లదె నీ రమణి ఆయిత్తమై వున్నది
పెల్లుగ జాజరాడఁ బిలిచీఁ బోవయ్యా
చ. 1: వనితచూపులు కలువల వసంతములు
ఘన మైనమోహము గంధము వసంతము
మనసులో కోరికలు మంచినీళ్ల వసంతము
పెనఁగి జాజరలాడఁ బిలిచీ నయ్యా
చ. 2: కలికినవ్వులు నీకు కప్పురవసంతములు
నిలిచినకళలు వెన్నెలవసంతములు
పలుకులకొసరులు బంగారువసంతము
బెళకక జాజరాడఁ బిలిచీ నయ్యా
చ. 3: కేలు పట్టి తీసినది కెందామరవసంతము
చాలుఁ బులకలు ముత్యాలవసంతము
యీలాగుల శ్రీవెంకటేశ ఆకెఁ గూడితివి
పేలరి యై జాజరాడఁ బిలిచీ బోవయ్యా