ఈ పుట అచ్చుదిద్దబడ్డది
రేకు: 0329-3 వరాళి సంపుటం: 11-171
పల్లవి: పలుమారుఁ బెనఁగక పదవే నీవు
నిలుచున్నాఁ డెదుటనే నీ కెంత పగటే
చ. 1: నెట్టుకొని రమణుఁడు నిన్నే తప్పక చూచీ
పట్టినచలము మాని పదవే నీవు
అట్టె దొర యాఁతడు నిన్నడిగే మాటల కెల్ల
యెట్టైన నుత్తర మియ్య వెంత గుండే నీకు
చ. 2: చేపట్టి పెనఁగీని చెలువపు నీ విభుఁడు
పైపయిఁ దప్పించుకోక పదవే నీవు
యేపున నాతఁడె నీయింటికి వచ్చి యుండఁగా
కోపము మానవు యేటి కొత్తలే నీవూ
చ. 3: చింత దీర నాతఁడు చిరునవ్వు నవ్వఁగాను
పంతాలు చెల్ల దింకఁ బదవే నీవూ
అంతలో శ్రీవెంకటేశుఁ డాదరించి నిన్నుఁ గూడె
యెంతటిదానవు నీవు యెదు రేదే నీకు