ఈ పుట అచ్చుదిద్దబడ్డది
రేకు: 0329-2 శంకరాభరణం సంపుటం: 11-170
పల్లవి: ఒంటి నన్ను నవ్వ వచ్చీ నో యమ్మా
వుంటవింట వేయు మనీ నో యమ్మా
చ. 1: సుద్దు లవి విను మంటా సొరిదిఁ జెక్కులు ముట్టీ
వొద్దన్నా మానఁడే వోయమ్మా
గద్దించి యందుకు నేను కడు జంకించఁ బోతేను
వుద్దండపుమాట లాడీ నూరకే వో యమ్మా
చ. 2: బడి బడి రమ్మంటాఁ బట్టఁ బట్టఁ బైకొని
వొడిసీ నీ పయ్యదను నోయమ్మా
తదవకు మని నేను తన్ను నాన వెట్టితేను
ఉడికి తప్పక చూచీ నూరకే వో యమ్మా
చ. 3: పనిమాలి నేఁడే తన పాదుములు గుద్దు మంటా
వొనర బలిమి నేసీ నో యమ్మా
యెనసెను శ్రీవెంకటేశుఁ డిటువలె నన్ను
వుని కై నిలిచితిమి వూరకే వో యమ్మా
