ఈ పుట అచ్చుదిద్దబడ్డది
రేకు: 0328-5 శంకరాభరణం సంపుటం: 11-167
పల్లవి: చెల్లఁబో నాకె సుద్దులు చెప్పకువయ్య
పల్లదాన నీవు నీవే బదుకవయ్యా
చ. 1: యేమయ్య నేము నీ కేమిటి కయ్యా
నేమాన నీ కిచ్చ లాడ నేరనయ్యా
చేముంచి యాపె కీ మేలు సేయనయ్యా
మోము చూచి సంతంసించి మొక్కేనయ్యా
చ. 2: తలవయ్య మమ్ము నేల తడవేవయ్య
నెలవై నే నిజ మాడి నిష్టూరి నింతే
కెలసి యాకెనె బుజ్జగించవయ్యా
వలచి నే నెపుడు నీ వద్ద నుండే నయ్యా
చ. 3: చెల్లు నయ్య యే మైనాఁ జేయవయ్యా
యెల్లవారివలె నేమీ నెరఁగ నయ్యా
కొల్లగా శ్రీవెంకటేశ కూడితివి నన్ను నిట్టె
తెల్లముగ నీ వెంటఁ దిరిగే నయ్యా
