ఈ పుట అచ్చుదిద్దబడ్డది
రేకు: 0328-4 సామంతం సంపుటం: 11-166
పల్లవి: తా నేల నిలుచున్నాఁడు తడవుల నుండీని
పానిపట్టి చెలులాల పద మనరే
చ. 1: మనసు రాని తలఁపు మాటలోనె కాన వచ్చు
పెనఁగి యప్పటి వీఁడు పిలిచీఁ గొంతా
ననుపు గల దెల్లాను నవ్వినందే తెలిసితి
పని గద్దు వచ్చేఁ గాని పద మనరే
చ. 2: నెరమెచ్చువలపులు నిలిచినందే తోచె
సరసాన వీఁడె చేయి చాఁచీఁ గొంతా
కరుణ గల దెల్లాను కనుచూపులనె కంటి
పరిణామ మాయ నాకుఁ బద మనరే
చ. 3: కలిగిన తమకము కాఁగిటిలోఁ గానవచ్చె
అలరి తాఁ బెట్టుకొనీ ఆనలూఁ గొంతా
వెల లేని వేడుక శ్రీవెంకటేశుఁ డిటు గూడె
పలుకు లేఁటికి నిఁకఁ బద మనరే