ఈ పుట అచ్చుదిద్దబడ్డది
రేకు: 0328-3 సామంతం సంపుటం: 11-165
పల్లవి: ఈపాటివాఁడవు యేల కొపగించితివి
చేపట్టినటులానె సేయ రాదా
చ. 1: చెక్కు నొక్కకుర నీవు చేయి చాఁచకుర నాపై
చక్క నీ మంచితనాలు చాలుఁ జూలు
పక్కనఁ గోపించ వద్దు పైకొని వేఁడుకో వద్దు
వొక్కమారె యింతేసికి నోపను నేను
చ. 2: కాలు దొక్కకుర నీవు కమ్మటి నవ్వకు నాతో
జాలినీ యిచ్చకములు చాలుఁ జాలు
తాలిమిఁ దిట్టా వద్దు దగ్గరి మొక్కా వద్దు
మేలు మీఁదనె వుండే మేరతో నడవరా
చ. 3: మాటలాడకుర నీవు మాయలు సేయకురా
చాటు వాయ నీవలపు చాలుఁ జూలు
గాఁటపు శ్రీవెంకటేశ కరఁగించి కూడితివి
మేటి నీ గుణములకు మెచ్చితి నే నిదివో
