ఈ పుట అచ్చుదిద్దబడ్డది
రేకు: 0328-2 సాళంగనాట సంపుటం: 11-164
పల్లవి: దేవ నీ చెలువములోఁ దిరమై మిక్కిలి నీ
దేవి చెలువము దెచ్చెఁ దేటతెల్లమిగాను
చ. 1: గరిమ నీ వురము కౌస్తుభమాణికముతో
సరి దూఁగి యెక్కు డాయ సతీమణి
వరుస నీదు బాహువల్లుల నడుమను
పెరిగి నీ లలితాంగి పెద్దరిక మందె
చ. 2: నీలమేఘమువంటి నీ మేనికాంతికి
మేలిమివన్నె దెచ్చె మెరుఁగుఁబోఁడి
పోలింప నీదు తమ్మిబొడ్డుకంటెఁ బొడవున
కాలు దొక్కి నిలిచెను కమలాలయ
చ. 3: అదివో నీ బంగారుహరముల నడుమను
పొదిబంగా రై నిలిచె పుత్తడిబొమ్మ
పొదిగి శ్రీవెంకటేశ భోగించె నీ కాఁగిటికి
అదనఁ బుట్టుభో గాయ నలమేలుమంగ