ఈ పుట అచ్చుదిద్దబడ్డది
రేకు: 0328-1 మధ్యమావతి సంపుటం: 11-163
పల్లవి: చెనకితే బిగియఁగ జెల్లదా నేఁడు
జినుగుసిగ్గుల నవ్వు చెల్లదా నీకూ
చ. 1: కాయ మట పాయ మటు కడు వలచితి నట
నేయఁగల ట్టెల్ల నీకు జెల్లదా నేఁడు
నాయంతనె వచ్చెనా నాతుల కిదె చాలు
చేయ మీఁ దాయను నేఁడు చెల్లదా నీకు
చ. 2: కలి మట బటి మట కదిసి నవ్వే వట
చెలఁగి నే వే మన్నఁ జెల్లదా నేఁడు
చల మెన్నఁటికె యిఁక సాదించవలెఁ గాక
చెలరేఁగి మాటలాడఁ జెల్లదా నీకు
చ. 3: యిల్లట మంచ మట యేకత మిదే యట
చెల్లఁబో యేమి సేసినఁ జెల్లదా నేఁడు
కొల్లగా శ్రీవెంకటేశ కూడితివి నన్ను నిట్టే
చిల్లరపొందులు మానఁ జెల్లదా నీకూ
