ఈ పుట అచ్చుదిద్దబడ్డది
రేకు: 0327-6 లలిత సంపుటం: 11-162
పల్లవి: చక్కని యీ వెన్నుఁడూ సంబటూరి చెన్నుఁడూ
అక్కడ నిక్కడ చూపి ఆసలు రేఁచీని
చ. 1: చెన్నునిఁ జూడఁ గదరే చెలులాల నేఁడు
చిన్ని లేనవ్వులనె చెలరేఁగీని
సన్నలు నేసీ వాఁడె సటకాఁడు నాతో
యెన్నటి కెన్నటి పొందు యిపుడే రేఁచీని
చ. 2: యే మనీనె చెన్నుఁడూ యేకతాన నన్నునూ
దొమిటివావులు నాపైఁ దొరలించీని
కోమలపు చేయి చాఁచీ కొత్తపెండ్లికొడుకు
గామిడితనాల నన్నుఁ గాకలు రేఁచీని
చ. 3: శ్రీవెంకటాద్రిమీద చేరి కూడెఁ జెన్నుఁడు
బావించి పచ్చడము పైఁ గప్పీని
మోవి చూపీఁ గమ్మటి మెక్కళీఁడు వీఁడు
దేవుఁడు గదవే వీఁడు తీపులు రేఁచీని
