ఈ పుట అచ్చుదిద్దబడ్డది
రేకు: 0327-5 లలిత సంపుటం: 11-161
పల్లవి: అన్నియు నేరుచుకొన్నాఁ డలవాటే యాతనికి
యెన్ని యైనఁ గల విట్టే యింటి కింక రావే
చ. 1: వట్టిమాకు లిగిరించు వాఁడు మాట లాడితేను
యిట్టె నన్ను గరఁగించు టేమి సోద్యమే
వెట్టికి వింటేం జాలు వేగాదాఁకఁ జేప్పీఁ దాను
బట్టబయ లీఁద నోపఁ బదవే మాయింటికి
చ. 2: ఱాతికి గిలిగింత లౌ ఱట్టడినవానిచేఁతల
యీతల నన్ను నవ్వించే దేమి సోద్యమే
చేతికి లో నైతేఁ జాలు సేయఁగల ట్టెల్లాఁ జేసి
పోతరించి వున్నవాఁడు పోదమే మా యింటికి
చ. 3: యేరు లైన నెదు రెక్కు యిట్టి వీనిఁ బొడగంటే
యీరీతి మనము వచ్చే దేమి సోద్యమే
చేరినన్ను నిటు గూడె శ్రీవెంకటేశ్వరుఁడు
ఆరె దేరెఁ బిలువవే అతని మాయింటికి
