ఈ పుట అచ్చుదిద్దబడ్డది
రేకు: 0327-4 సాళంగనాట సంపుటం: 11-160
పల్లవి: పొద్దు వోదా తన కేమి పోరు వెట్టి వేగి తేచి
ఉద్దండీఁడు తన కేమి పూరకుండఁ బట్టదా
చ. 1: యెప్పటి కుత్తర మిచ్చే దప్పుడే యిచ్చేఁ గాక
యిప్పటినుండియు మాట లేలే నాకు
కప్పి నిజ మాడు మంటా కమ్మర నానవెట్టిని
తప్పు లౌతా వొప్పు లౌతా నెరఁగఁడా
చ. 2: చేయవలసినప్పుడే చేయి ముంచి చేసేఁ గాక
యీ యెడ నుండియు బంతా లేలే నాకు
ఆయ మంటి వేగిరించి నప్పుడె తనకుఁ దానే
కా యౌతా పండౌతాఁ గనీఁ గాకా
చ. 3: దగ్గరితి మిద్దరము తరవాయి వచ్చీఁ గాక
యెగ్గులు నెమ్ములుఁ బట్ట నేలే నాకు
బగ్గన శ్రీవెంకటాద్రిపతి నన్నుఁ గూడె నిఁక
ముగ్గుపిండి అట్లకు మొద లయ్యీనా