ఈ పుట అచ్చుదిద్దబడ్డది
రేకు: 0327-3 సామంతం సంపుటం: 11-159
పల్లవి: వలపు చప్ప జేసెటివగకాఁడనీ
బలిమి నా మనసుకు బల్ల కట్ట వలెనా
చ. 1: పలికేవు కమ్మటిని పరాకు నయ్యేవు
అలిగినాఁ బోనీవు అదేరా నీవు
పిలిచితే వచ్చినది పెనుఁ దప్పు నావొళ్లఁ
గలదు నీ విఁక నన్నుఁ గాకు నేయ వలెను
చ. 2: పైపైఁ గొంగు వట్టేవు పరులతో నవ్వేవు
వోప నన్నఁ బోనీవు వోరి నీవూ
పాప మింతే నీవు నేసే భ్రమకు లో నయినది
యేపున నెంతైనాఁ గద్దు యింత సేయ వలెనా
చ. 3: యిచ్చగించి కూడేవు యే మేమో తలఁచేవు
హెచ్చి మూల నుండనీవు యేరా నీవూ
అచ్చపు శ్రీవెంకటేశ అన్ని టాను నిన్ను గూడి
మెచ్చినదె మే లాయ మేకు నేయ వలెనా