ఈ పుట అచ్చుదిద్దబడ్డది
రేకు: 0327-2 దేసాళం సంపుటం: 11-158
పల్లవి: ఏల మమ్ముఁ జెనకేవు యెడ్డవా నీవు
వేలఁ జూపేరు నిన్నునె వినుకొన రాదా
చ. 1: యేరా మా కస్తూరిబొట్టు యె ట్టుండె నేమి నీకు
గోర దిద్ద వచ్చేవు కూళవా నీవు
గారవపు నీ మేనఁ గస్తూరి రేక లవిగో
తేరకొన వంక లెల్ల దొద్దుకొన రాదా
చ. 2: చెల్లఁబో నా హారములు చిక్కువడితే నేమి
మల్లాడి దిద్ద వచ్చేవు మంకవా నీవు
చిల్లా పొల్లాయ నీ మెయిఁ జెమటముత్తెము లెల్ల
పెల్లు రేగి నీవె చక్కఁ బెట్టుకొన రాదా
చ. 3: చనుఁగొంగు జారె నంటాఁ జక్క దొబ్బ వచ్చేవు
చనవున నన్నిటాను జాణవా నీవు
చెనకి కాఁగిలించితి శ్రీవెంకటేశ నీవు
ననిచి నీ పచ్చడము నాకు గప్ప రాదా