ఈ పుట అచ్చుదిద్దబడ్డది
రేకు: 0327-1 శంకరాభరణం సంపుటం: 11-157
పల్లవి: కోపము దీరినమీఁదణ గూడేవు గాక
కైపుగ నీ వొళ్లిదె కల్ల యనవయ్యా
చ. 1: యే మంటివో కాని యింతి గడుఁ జిన్నఁ బోయ
వేమారు నలుక దీర వేఁడుకోవయ్య
ప్రేమతో బలిమి నేసి పెనఁగి యేమి నేసితో
వాములుగఁ దిట్టకోనీ వద్దనవయ్యా
చ. 2: యింతిచిత్తము నొవ్వఁగ యెవ్వరిదిక్కు చూచితో
అంతలో దల వంచె లే దనవయ్యా
అంతటఁ బోక నీవు అట్టె యేమి నవ్వితివో
చింతతో లోనికిఁ బోయీ చేరి పట్టవయ్యా
చ. 3: మితియేమి మీరితివో మెలుఁత నిట్టూర్పు నించె
చతురతఁ గరిములు చల్లవయ్యా
తతితో శ్రీవెంకటేశ దగ్గరి కూడితి వాకె
రతి నలనెను మోవిరస మియ్యవయ్యా