ఈ పుట అచ్చుదిద్దబడ్డది
రేకు: 0326-5 ముఖారి సంపుటం: 11-155
పల్లవి: అప్పుడే బలిమి సేసే వందు కేమి
చిప్పిలఁ బనివనిగాఁ జెప్పర నాతోను
చ. 1: వోప నంటాఁ బెనగఁగ వొడివట్టి తియ్యకురా
కోపపుఁ జూపులు కనుఁగొనే వారము
చేపట్టి తీదీపులను చేయి దాఁకు గాలు దాఁకు
ఆఁపి మాట మాటగాఁనె ఆడరా నాతోను
చ. 2: పెడమర లుండఁగాను పేరునఁ బిలవకురా
వడి మురిపెముల గర్వపువారమూ
తడవఁగఁ బలుమారు తప్పు లౌనో వొప్పు లౌనో
నడుమ నవ్వు నవ్వుగ నవ్వరా నాతోను
చ. 3: పవళించి వుండగాను పైపైఁ బడే వ దేమిరా
చివురేచేఁ గల గోరిచేతివారము
యివల శ్రీవెంకటేశ యిట్టె కూడితిని నన్ను
చవిగా ముద్దుముద్దుగాఁ జన వీరా నాకునూ
