ఈ పుట అచ్చుదిద్దబడ్డది
రేకు: 0326-1 సాళంగనాట సంపుటం: 11-151
పల్లవి: రచ్చలఁ బెట్టక యిట్టే రావయ్యా
గచ్చులు మాని యిన్నీఁ గనుకోవయ్యా
చ. 1: పంతము దప్పదు నీతో బలికినమాత్రమున
వంతుకుఁ జెలి కిందులో వాసి వోదు
యింతిచేత నేఁ జెప్పించే యెడమాట లీడ నేల
వింతల నీ సుద్దు లిందే వినుకోవయ్యా
చ. 2: సూటి దప్ప దింతలోనే చూచిన మాత్రమున
ఆఁటదాని కిందుకుఁగా నాస వోదు
కూటమి నాపెచేత గురుతులు పట్టింపించే
దీఁట నైనా నాచేఁతలు తెలుసుకోవయ్యా
చ. 3: ఘనత లేమీఁ దప్పదు కాఁగిలించినంతలోనే
పెనఁగించె ఆపెచేత పెరిమె వోదు
చెనకి కూడితి విట్టే చేరి శ్రీవెంకటేశుఁడ
మన సిచ్చి రక్షించి మన్నించుకోవయ్యా