ఈ పుట అచ్చుదిద్దబడ్డది
రేకు: 0325-4 దేసాళం సంపుటం: 11-148
పల్లవి: కడవారి నీ మా టడుగవే నీవు
వెడగు నీ గుణములు విచారించుకొనవే
చ. 1: నీసవతి నైతిఁ గాక నిన్ను నే మైనా నంటినా
వాసు లెక్కించుక వట్టివా దేలే నీకు
ఆల నిద్దరికిని ఆతఁడే గురుతు గాక
రేసులు వుట్టించి యాల రేఁచేవే మమ్మును
చ. 2: తప్పక చూచితిఁ గాక తడవితినా నిన్ను
వుప్పటించి యంతేసి మ మ్మొరనేవే
తప్పులుఁ దారులు వాప తగ వాతఁడే యెఱఁగు
చప్ప నాయ మానవే నీట లెల్ల నిఁకయ
చ. 3: తెలిసితి నన్నియు నీ తెరువు వచ్చితనా
చలము లిక్కడ నింక సాదించకువే
అలరి శ్రీవెంకటేశుఁ డన్నిటాను నన్నుఁ గూడె
పెలుచవు నిన్నెఱుఁగు పెనఁగ నేమిటికే