ఈ పుట అచ్చుదిద్దబడ్డది
రేకు: 0325-2 ముఖారి సంపుటం: 11-146
పల్లవి: తమకించఁ దన కేలే తానే నేను
సమకూడేదానఁ గాక సాదించేదాననా
చ. 1: చేసన్న చేసితి నింతే చెక్కులు నొక్కితి నింతే
వాసులు వంతుల కేల వచ్చీనె తాను
రాసి కెక్కె తనమేలు రచ్చ కెక్కె చేఁత లెల్ల
ఆసపడేదానఁ గాక అడ్డ మాడేదాననా
చ. 2: కన్నుల నవ్వితి నింతే కాయము సోఁకితి నింతే
పన్నినవొరపు లే పట్టీనె తాను
యెన్ని కాయఁ దనపొందు యిర వాయఁ గోరికలు
మన్ననలోదానఁ గాక మారుకొనేదాననా
చ. 3: సిరసు వంచితి నింతే చేతుల మొక్కితి నింతే
కెరలి నన్నేల గిలిగించీనె తాను
యిరవై శ్రీవెంకటేశుడిన్నిటాను నన్నుఁ గూడె
పెర రేఁచేదానఁ గాక బిగిసేటిదాననా
