ఈ పుట అచ్చుదిద్దబడ్డది
రేకు: 0324-5 నాదరామక్రియ సంపుటం: 11-143
పల్లవి: ఇద్దరు నున్నారు యెదురెదురనె మీరు
బద్దుల మీతో నాడఁ బని లేదుమాకు
చ. 1: సెలవి నవ్విననవ్వు సిగ్గులకు మొద లాయ
పలకు దందుకె నీతోఁ బలుమారును
నెలఁత నెచ్చరించేది నీ చెతిదె యిఁక
బలిమి నేయఁగ మాకుఁ బని లేదు యిఁకను
చ. 2: చెక్కునఁ బెట్టినచేయి చేఁతలకు మూల మాయ
చక్కఁగా నందుకె నిన్ను సారెఁ జూడదు
నిక్కి యాపె బుజ్జగించ నీ చేతదిదె యిఁక
చిక్కించుక నేము బుద్ది చెప్పఁ బని లేదు
చ. 3: ముంచినవూరుపు లెల్ల మోహానకె తగు లాయ
పంచల నందుకె నిన్నుఁ బాయ నోపదు
కొంచక శ్రీవెంకటేశ కూట మిది నీచేతిదె
మించి యప్పటి నేల మెచ్చేరు చెలులు