ఈ పుట అచ్చుదిద్దబడ్డది
రేకు: 0324-2 శంకరాభరణం సంపుటం: 11-140
పల్లవి: చెప్ప నే మున్నవి నీ నేసెటిచేఁతలు
అప్పటి కప్పటివేళ అను వింతే కాకా
చ. 1: చేరి మొక్కఁగా నీవు సెలవి నవ్వేవు గాక
వూరకుండవా నీయంత నొగి నిందాఁకా
యేరీ తని యాడ వచ్చు నిటువంటి నీ చిత్తము
వారికి వారికి భాగ్యవశ మింతే కాకా
చ. 2: చెనకఁగా నీ వంతలో చిమ్మి రేఁగే వింతే కాక
తనిసి గుట్టున నుంటేఁ దడవేవా
ఘన మైన నీ మహిమ కానఁగ నెట్ల వచ్చు
గొనకొన్న నీ యిచ్చకొలఁదే కాకా
చ. 3: బలిమి గూడఁగా నీవు పైకొంటి విపుడె కాక
తెలుసుకొంద మ నెంటే తేటపడేవా
నెల వై శ్రీవెంకటేశ నిచ్చళించ నెట్టు వచ్చు
కులికెటి నీ వలపు కొలఁదే కాకా
