ఈ పుట అచ్చుదిద్దబడ్డది
రేకు: 0324-1 సాళంగనాట సంపుటం: 11-139
పల్లవి: జయ మాయ నీకు నాపె సరసములూ
నయగారి ముడుయము నారసింహా
చ. 1: మోము చూచి నీతోడ ముచ్చట లాడ వలసి
కోమలి నీ తొడమీఁదఁ గూచున్నది
ఆముకొని అట్టె మాట లాడ వయ్య ఆపెతోడ
నామాట విని యిట్టె నారసింహా
చ. 2: మన్నన నీ యలుకల మంకు దెలవ వలసి
చన్ను లురమునఁ బెట్టి సత మైనది
చెన్నుఁడ వాపె చనవు చెల్లించ వయ్య యిట్టె
న న్నడిగే దింకా నేమి నారసింహా
చ. 3: చేతుల నిన్ను నలమి చెక్కుఁ జెక్కుఁ గదియించి
నీతితో నీ మెడసొమ్మై నెలకొన్నది
యీతల శ్రీవెంకటాద్రి నెనసితి వాపెతోడ
నా తలఁపు లీడేరించి నారసింహా
