ఈ పుట అచ్చుదిద్దబడ్డది
రేకు: 0323-5 ఆహిరి సంపుటం: 11-137
పల్లవి: వలపులె కాండి పారి వరుస నిద్దరికిని
నిలవుఁదమకములు నీవే యెరుఁగుదువూ
చ. 1: యెన్నఁడొకో నీవు నన్ను యెనసి మన్నించేది
చన్నుల నే నిన్ను నొత్తి సాధించేది
వున్నదాన మేడమీఁద నొంటి నేఁ బొడవునను
సన్న సేసేవు నీ వైతే సారెకు దిగువను
చ. 2: యెప్పుడొకో నా మేను యిటు నీ మేను సోఁకేది
అప్పటి నే మారుకు మా రప్పళించేది
కప్పురపుబాగాలు కట్టివేసితిని నీపై
నెప్పున నందుకొంటివి నిచ్చె నెక్కి నీవూ
చ. 3: యేవేళకో నామంచ మెక్కి నీవు గూచుండేడి
తావుల నేనె నిన్ను దక్కఁ గొనేది
శ్రీవెంకటేశ్వర నిన్ను చేవట్టి యెక్కించుకొంటి
మావి యిచ్చి కూడితిని ముచ్చటతో నీవు
