ఈ పుట అచ్చుదిద్దబడ్డది
రేకు: 0323-4 శుద్దవసంతం సంపుటం: 11-136
పల్లవి: వేవేలు జాగు లిఁక విడవయ్యా
యీ వేళ నాకుఁ జన వియ్యవయ్యా
చ. 1: శిర సేల వంచేవు సిగ్గు లేల పెంచేవు
సొరిది మా వంక నిటు చూడవయ్యా
మరిగి యున్నదాన మాయ లెల్ల విన్నదాన
యిరవు నేయఁగ నిక నేఁటి కయ్యా
చ. 2: యేడ పరాకై వున్నాఁడ వేమి దలఁచుకొన్నాఁడ
వాడఁగలమాట లెల్ల నాడవయ్య
మేడెపువల పిదివో మెత్తనిపర పిదివో
వాడిక నీమేలు నాపై వంచవయ్యా
చ. 3: చెక్కు లేల నొక్కేవు చెంది యేల చొక్కేవు
పక్కన యింటిలోనికిఁ బదవయ్యా
యిక్కువ శ్రీవెంకటేశ యెనసితి వింకా నాస
నిక్కీ నాకు నన్నిట్టె మన్నించవయ్యా