ఈ పుట అచ్చుదిద్దబడ్డది
రేకు: 0323-3 సామంతం సంపుటం: 11-135
పల్లవి: కందము నీ సరితలు కడదాఁకాను
యిందరిలో నన్న మాఁట లేల బొంకే విఁకను
చ. 1: పంతగాఁడ వౌదువు పడఁతి నింత యెంచితి
వంత నీకుఁ బెద్దరిక మైతేఁ జాలు
వంతు లాడేవు పిలువ వచ్చినమాతోనె నీవు
యింత గుండెవాఁడ వైతే నెటు వొయ్యీఁ బనులు
చ. 2: నేరుపరి వౌదువు నెలఁతఁ బాసి వుంటివి
ఆరయ నీ కింత చవు లైఁతే జాలు
చేరువకు వచ్చి లో లో సిగ్గు వడే వప్పటిని
యీ రీతి నుండితేఁ జాలు నీడేరె మోహము
చ. 3: మంచివాఁడ వౌదువు మగువఁ గూడితి విట్టె
అంచెల నీ కిదే పని యైతేఁ జాలు
ముంచిన శ్రీవెంకటేశ మెదలె యిట్టుండ రాదా
యెంచేము నీ గుణములు యే మాయ నిపుడు