ఈ పుట అచ్చుదిద్దబడ్డది
రేకు: 0323-2 దేసాళం సంపుటం: 11-134
పల్లవి: ఏమి చూచుకొన్నాండవో యెఱఁగ నేను
కామించి నీ మన్ననలో కడమలూఁ గానము
చ. 1: దవ్వుల నుండిననన్ను దగ్గరఁ బిలుచుకొంటే
చివ్వన నీకు మేలు చేరదా నేఁడు
రవ్వగానీ కొలువులో రాజసమె చూపఁగాను
యివ్వల నవ్వల నీవు యేమి గట్టుకొంటివి
చ. 2: దట్టపువిరహి నన్నుఁ దప్పక చూచితేను
అట్టె దయ గలవాఁడ వని మెచ్చనా
గుట్టుతోడ నిందరిలో కొంచి కొంచి నవ్వఁగాను
యెట్ట నెదురుకట్ల నందు కెక్కెఁ బనులు
చ. 3: యింటిలో నుండిననన్ను యిటు నీవు గలసితే
జంట వై పొందులు సేయ జాణవు గావా
అంటితివి శ్రీవెంకటాధిప తెరలో నన్ను
వెంట వచ్చి కూడితిని వింత లాయఁ జేతలు
