ఈ పుట అచ్చుదిద్దబడ్డది
రేకు: 0322-6 నాదరామక్రియ సంపుటం: 11-132
పల్లవి: మన మెఱిఁగినవె మాయ లిన్నియును
వెనకసుద్దు లెంచితె వేవేలుఁ గలవూ
చ. 1: మొగము చూచితిఁగా మొక్కితిఁగా నీకు నిట్టె
జగడా లింకా నేల చాలించు
తగవు చెప్పకు మింక తడవ నే నా సుద్ది
వగ లెన్నైనాఁ గలవు వడిఁ దప్పించుకోనూ
చ. 2: నెలవి నవ్వితిఁ గా చెప్పినట్టె వింటిఁ గా
చలము లింకా నేల చాలించు
బలిమి నేయకు మింక పంతము లిచ్చితి తొల్లె
వలపు రేఁచఁగ బోతే వసము గా దిఁకనూ
చ. 3: కన్నుల మెచ్చితిఁగా కాఁగిట నించితిఁగా
సన్నలు చాయలు నిఁకఁ జాలించు
వున్నతి శ్రీవెంకటేశ వొద్ది కైతి నీతోను
వన్నెలు వాసులు నెంచ వలెనా యిందులోనూ
