ఈ పుట అచ్చుదిద్దబడ్డది
రేకు: 0322-5 రామక్రియ సంపుటం: 11-131
పల్లవి: ఏనుగలతోడ నేల యేలాటాలు
కానుక లిచ్చె గుట్టు గనుకొనేను
చ. 1: రమ్మన నేఁటికి నిన్ను రాకు మన నేఁటికి
వుమ్మడి నుండె నీ వోజ చూచేను
సమ్మతించఁగా నెట్టొ జగడించఁగా నెట్టొ
నిమ్మపంటిచేతితోడ నివ్వెర గందేనూ
చ. 2: నవ్వు నవ్వ నేఁటికి నాలితన మేఁటికి
దవ్వులనుండె నీ తమి చూచేను
పువ్వు లనఁగా నెట్టొ పూఁప లనఁగా నెట్టొ
మువ్వంక సాసముత్యాల ముగ్గులు వెట్టేను
చ. 3: వొడఁబరచ నేఁటికి వోప నన నేఁటికి
కడలేని మోహముతోఁ గాఁగిలించేను
నడుమనె కూడితిని నమ్మించి శ్రీవెంకటేశ
చిడుముడి నుంగరాలచేతఁ జెక్కు నొక్కేను