ఈ పుట అచ్చుదిద్దబడ్డది
రేకు: 0322-4 సాళంగనాట సంపుటం: 11-130
పల్లవి: మేలు మేలు బాపు బాపు మెచ్చితి నిన్ను
తాలిమితో నున్నాఁడవు తగవరి వౌదువు
చ. 1: యేకడనో వుంటి వట యే మేమో సేసితి వట
ఆకె నాతోఁ జెప్పనవి ఆ మాటలె
వాకున నాడ నోపక వాసితో నూరకుండితే
నీకు నీకె నవ్వేవు నెరజాణ వౌదువు
చ. 2: మంతనా లాడితి వట మరికొన్ని గల వట
యింతి నాకు మొక్కినది యీ సుద్దికె
అంత నిన్నుఁ బచ్చి సేయ కట్టె అణఁచుకుంటే
దొత వెట్టేవు సటలె దొరవు నీ వౌదువు
చ. 3: వొడఁబరచితి వట వొక్క టై కూడితి వట
పడఁతి యెచ్చరించె నీ పనులకునె
తడవక నే నుండితె తలపించే నప్పటిని
అడరి శ్రీవెంకటేశ అంతవాఁడ వౌదువు