ఈ పుట అచ్చుదిద్దబడ్డది
రేకు: 0322-3 పాడి సంపుటం: 11-129
పల్లవి: చెప్పరా దిందాఁక నైతె చెలి యున్న భావము
వుప్పుచిం దినుమడించె నుండ నుండఁగాను
చ. 1: మగువకు నేఁడుగా మనికిత మెల్లఁ బానె
వెగటు వో నీ వింటికి విచ్చేయఁగాను
మొగచాటు లే దాయ ముచ్చట లెల్లఁ దీరె
సొగిసి నీవు మొగము చూడఁగాను
చ. 2: సుదతి కీ వేళ గా షోడశకళలు నిండె
మదనజకనకపు నీవు మన్నించఁగాను
తుదిపదమున కెక్క తుందుడుకు లెల్లఁ బోయ
పొదిగి పట్టి కాఁగిట బుజ్జగించఁగాను
చ. 3: అంగన కిట్టె కా ఆతు మెల్ల జల నాయ
సంగతిగా రతిఁ గూడి చన వియ్యఁగా
చెంగల శ్రీవెంకటేశ చేరఁగలమేలు చేరె
సింగారించి మీఁద చెక్కు నొక్కఁగాను