ఈ పుట అచ్చుదిద్దబడ్డది
రేకు: 0322-2 శ్రీరాగం సంపుటం: 11-128
పల్లవి: సరనుఁడవు నీ వైతే చదురాలు నీ కాపె
ఆరు దాయ నన్నిటాను అమరు నిద్దరికే
చ. 1: చెప్పఁగలవల పెల్లఁ జెలి నీతోఁ జెప్పి చెప్పి
చెప్పరానిమాటలకు సిగ్గు వడ్డది
చిప్పిలునవ్వులఁ గొంత శిరసువంపులఁ గొంత
అప్పగించీఁ దెలుసుకో అవ్వలివిన్నపము
చ. 2: సేయఁగల వూడిగాలు సేసి సేసి నీ కాపె
నేయరానిచేఁతలకు సిగ్గు వడ్డది
చేయెత్తిఁ మొక్కులఁ గొంత చిమ్మునిట్టూర్పులఁగొంత
కాయము సోఁకఁగ జేసీ కడమ వూడిగెము
చ. 3: చెక్కు నొక్కు నొక్కి యిట్టె శ్రీవెంకటేశ్వర నిన్ను
చెక్కు చేతితోడనె తా సిగ్గు వడ్డది
పుక్కిటి విడేలఁ గొంత పొరచిచేఁతఁల గొంత
గక్కన నీ కంది యిచ్చీ కడమదొడములు
