ఈ పుట అచ్చుదిద్దబడ్డది
రేకు: 0321-6 హిందోళవసంతం సంపుటం: 11-126
పల్లవి: ఏల వెగిరించేవె యీతనితోడ
మూలలనె వుండ నీరె ముచ్చటల మాఁటా
చ. 1: చిత్తము వచ్చినచోట సేసినదె విన్నపము
హత్తి పొసఁగనిచోట ననుమానమె
యిత్తలఁ దన నా సంది యీ రెండుఁ దెలయుదాఁకా
పొత్తులనె వుండ నీరె పొరుగుల మాఁటా
చ. 2: ఆస గలిగినచోట నాడినదె సరసము
వేసట లయ్యినచోట విచారములె
వాసితోఁ దనకు నాకు వైపులు గూడినదాఁకా
మూసినట్టె వుండ నీరె ముందరి ఆమాఁటా
చ. 3: వొడఁబాటు గలచోల నొనగూడి వుండు నవ్వు
వెడవెడ లైనచోట వేరువేరులె
యెడయక శ్రీవెంకటేశుఁ డిట్టె నన్నుఁ గూడె
వొడికమైవుండ నీరె వొరపుల మాఁటా